Ռուսաստանը սպառնում է հետագայում կրակ բացել հենց ՆԱՏՕ-ի թիրախների վրա
Սև ծովում ՆԱՏՕ-ի վերջին գործողությունները ցույց են տալիս, որ հնարավոր է՝ մոլորակը տեսնի ևս մեկ Ղրիմի պատերազմ: Կարծում ենք, որ Թուրքիան, ամերիկացիներն ու սիոնիստները չեն հրաժարվել Ղրիմը օկուպացնելու և թերակղզուն «Ուկրաինա» պիտակը կպցնելու հույսերից, քանի որ, սկզբունքորեն, 2014-ի ձմռանից նման անուն ունեցող երկիր այլևս չկա: Կա հսկայական օկուպացված տարածք, որը ենթարկվում է բարդ հոգեմետ (փսիխոտրոպ) քարոզչական մշակման, խաղադրույքը շատ մեծ է. նախկին Ուկրաինական ԽՍՀ բնակչության ինչպես հավաքական, այնպես էլ անձնական գիտակցության «վերաձևակերպում»: Հիշեցնենք, որ Ղրիմից են սկսվել ԱՄՆ ռազմավարական «թերությունները», իսկ ամերիկացիներն իրոք մտադիր էին մինչև 2020 թվականը ամբողջովին օկուպացնել ու «մարսել» Ղրիմը՝ թերակղզին վերածելով ՆԱՏՕ-ի հսկայական ռազմաբազայի…
Ռուսները երկար ժամանակ են հանդուրժել ՆԱՏՕ-ի լկտի գործողությունները, սակայն հունիսի 23-ին նրանց նյարդերը տեղի տվեցին: Պետական սահմանի խախտումը կոպտորեն ճնշվել է: Սևծովյան նավատորմը, Ռուսաստանի Դաշնության ԱԴS սահմանապահ ծառայության հետ համատեղ կանգնեցրել են Ռուսաստանի պետական սահմանի խախտումը Բրիտանիայի ռազմածովային ուժերի «Defender» ղեկավարվող հրթիռային զենքի (ՂՀԶ) ականակրի կողմից: Բրիտանացիները ներխուժել և երեք կիլոմետր խորացել էին Սև ծովի տարածքային ջրեր՝ Ֆիոլենտ հրվանդանի տարածքում, ասված է ՌԴ ՊՆ հայտարարության մեջ: Ներխուժած նավի անձնակազմը չի պատասխանել նախազգուշացումներին, որից հետո Մոսկվայի ժամանակով 12.06-ին և 12.08-ին սահմանապահ նավից կրակոցներ են արձակվել: Եվս 11 րոպե անց ականակրի շարժման ուղղությամբ Սու-24Մ ինքնաթիռից ձեռնարկվել է նախազգուշացնող ռմբակոծում՝ արձակելով 4 բեկոր-ֆուգասային ռումբ: Չորս րոպե անց բրիտանական նավը լքել է Ռուսաստանի ջրերը: Բրիտանացիներից ոչ հեռու գտնվում էր նաև Նիդերլանդների ռազմածովային ուժերի ՂՀԶ «Everton» ֆրեգատը, չնայած այն չէր ներխուժում տարածքային ջրեր: Բրիտանական նավի մոտ չորս ռումբ պայթելուց հետո հոլանդացիները նույնպես սկսել են հապճեպ հեռանալ Ռուսաստանի Դաշնության տարածքային ջրագծից: Միջադեպի պատճառով Մոսկվայում բրիտանական ռազմական կցորդը կանչվել է Ռուսաստանի պաշտպանության նախարարություն: BBC-ն մեկնաբանություն է խնդրել Բրիտանիայի պաշտպանության նախարարությունից, որը պրակտիկորեն չի պատասխանել խնդրանքին:
Հունիսի 28-ից հուլիսի 10-ը Սև ծովում պետք է անցկացվեն Ուկրաինայի ԶՈՒ և ՆԱՏՕ-ի ուժերի «Sea Breeze» համատեղ զորավարժությունները: Իսկ հենց այդ «Defender»-ի վրա Ուկրաինայի, Մեծ Բրիտանիայի և ԱՄՆ-ի հատուկ գործողությունների ուժերի մարտիկները համատեղ վարժանքներ են անցկացրել: Նրանք զբաղվել էին «աբորդաժային գործողություններով», հաղորդում են Կիևից: Նախորդ դարաշրջաններում Սև ծովը և Ղրիմը երկու անգամ գտնվում էին Արևմուտքի «տեսադաշտում»՝ XIX-րդ դարի կեսերի Ղրիմի պատերազմում և 1941-45 թվականներին գերմանական նացիստական ագրեսիայի ժամանակ: Երկու դեպքում էլ Ռուսաստանը / ԽՍՀՄ-ը ստիպված էր պայքարել փաստացի ողջ Արևմուտքի + Թուրքիայի հետ, այսինքն` ՆԱՏՕ-ի դաշինքի նախատիպի հետ: Հասկանալի է, թե ինչ է նշանակում ԱՄՆ-ի, Մեծ Բրիտանիայի և Ուկրաինայի կողմից իրականացվող «աբորդաժային գործողությունները». նրանք ռազմածովային դեսանտային գործողություններ են նախագծում Ղրիմի դեմ։ Ի դեպ, XIX-րդ դարի կեսերին ևս Անգլիան բռնել էր Թուրքիայի կողմը և մասնակցել Ռուսաստանի դեմ պատերազմին: Պատմական զուգահեռներն անխուսափելի են և տեղին: Վաղ թե ուշ, XXI-րդ դարում, Արևմուտքն ու Թուրքիան Սև ծովում պատերազմ են սկսելու Ռուսաստանի դեմ՝ դատելով աճող անհանգստացնող իրադարձությունների տրամաբանությունից: Հարցն այն է, որ Սև ծովում շահերի բախումը միշտ հանգեցրել է նաև Կովկասյան պատերազմի …
Մնում է հավելել, որ երբ հունիսի 24-ին Մեծ Բրիտանիան հերքեց, որ նախազգուշական կրակ էր բացվել Սև ծովում բրիտանական ականակրի վրա, Ռուսաստանի ԱԳՆ խոսնակ Մարիա Զախարովան Լոնդոնի մեկնաբանությունները բրիտանական ականակրի հետ կապված «սուտ» անվանեց: Իսկ ՌԴ փոխարտգործնախարար Սերգեյ Ռյաբկովը, մեկնաբանելով միջադեպը, ասաց. «Ի՞նչ կարող ենք անել: Դիմել առողջ բանականությանը, պահանջել հարգել միջազգային իրավունքը: Եթե գործընկերները չեն հասկանում, ապա ռմբակոծել թիրախը: Ես կանխավ նախազգուշացնում եմ բոլորին, ովքեր նավարկության ազատության կարգախոսի ներքո խախտում են Ռուսաստանի Դաշնության պետական սահմանները՝ զերծ մնալ նման սադրիչ քայլերից»:
Սերգեյ Շաքարյանց
