Արման Թաթոյանը դատապարտում է «արցախցի կամ ղարաբաղցի-հայաստանցի» անհեռատես դիսկուրսի զարգացումը
ՀՀ ՄԻՊ Արման Թաթոյանը աջակցություն է հայտնում Արցախի ՄԻՊ-ին։ Արման Թաթոյանը ֆեյսբուքյան իր էջում գրել է․
«Գործընկերս` Արցախի մարդու իրավունքների պաշտպան Գեղամ Ստեփանյանը, միանգամայն ճիշտ է:
Չափազանց վտանգավոր, խիստ դատապարտելի է «արցախցի կամ ղարաբաղցի-հայաստանցի» անհեռատես դիսկուրսի զարգացումը:
Արցախահայության բարձր արժանապատվությունն ու պատիվը ողջ հայության միասնության լուսավոր խորհրդանիշներից է և վերջ»:
Հիշեցնենք, որ ավելի վաղ Արցախի ՄԻՊ Գեղամ Ստեփանյանը հայտարարություն էր տարածել՝ մտահոգություն հայտնելով արցախցիների հանդեպ ագրեսիվ հայտարարությունների ու արտահայտությունների վերաբերյալ։
