Ստեփանակերտի քաղաքապետի կարգադրությամբ բանալու տեսքով արձանի վրա բոլոր գրություններն այլևս տեսանելի չեն
Ստեփանակերտի քաղաքապետարանը հայտնում է․
«Ի գիտություն. Ստեփանակերտի քաղաքապետ Դավիթ Սարգսյանի կարգադրությամբ՝ բանալու տեսքով արձանի վրա բոլոր գրությունները այլևս տեսանելի չեն, քանի որ դրանք նախատեսված չէին նախագծով: Ինչ վերաբերում է կոնկրետ բանալուն, ապա նրա ճակատագիրը կորոշվի շուտով՝ մասնագիտական եզրակացությունից հետո: Հավաստիացնում ենք՝ հանրությունը անպայման կտեղեկացվի ընթացքի մասին»:
Հիշեցնենք, որ ավելի վաղ Ստեփանակերտի քաղաքապետարանը դարձյալ արձագանքել էր քաղաքացիների՝ նոր տեղադրված հուշարձանի վերաբերյալ մտահոգություններին, հայտնելով, որ սպասում են մասնագիտական եզրակացությանը։
