Վերջնական որոշել եմ, որ այս փուլում չեմ մասնակցելու ընտրություններին․ Սոֆյա Հովսեփյան

Վերջնական որոշել եմ, որ այս փուլում չեմ մասնակցելու ընտրություններին, իսկ հետագայում քաղաքականության մեջ լինել-չլինելու դուռը չեմ փակել: Այս մասին ԱԺ-ում լրագրողների հետ զրույցի ժամանակ ասաց ԱԺ պատգամավոր Սոֆյա Հովսեփյանը:

«Ընտրություններից հետո կհասկանամ, թե ով կլինի իշխանության, ինչպիսի գործունեություն կծավալի, ինչպես կծավալի, արդյո՞ք այսօրվա քարոզարշավի հետևանքը կլինի նախընտրական ծրագրերի կատարումը, թե ինչպես 2018-ին եղավ, շատ գեղեցիկ կառուցողական մոտեցումներ ներկայացվեցին, որոնք հետագայում անտեսվեցին: Դրա համար սպասելու եմ և հասկանամ, թե ինչ է տեղի ունենալու, որքանով իրենց առջև դրված սկզբունքներին տեր կկանգնեն, որքանով կխաբեն, ինչպես խաբեցին 2 տարի»,-ասաց նա: