ՄԱԿ-ում սպասում են ԱՀԿ-ի կողմից «Սպուտնիկ V» պատվաստանյութի հաստատմանը․ Անտոնիո Գուտերեշ
ՄԱԿ-ը կցանկանար օգտագործել ռուսական «Սպուտնիկ V» պատվաստանյութն իր աշխատակիցներին պատվաստելու համար, բայց սպասում է, որ դեղամիջոցը ստանա Առողջապահության համաշխարհային կազմակերպության հաստատումը: Այս մասին ռուսական ԶԼՄ-ներին տված հարցազրույցում ասել է ԱՀԿ գլխավոր քարտուղար Անտոնիո Գուտերեշը, գրում է «ՌԻԱ Նովոստի»-ն:
«ՄԱԿ-ի աշխատակիցներից շատերն արդեն ստացել են ռուսական պատվաստանյութը, մասնավորապես Ռուսաստանի Դաշնությունում: Եվ մենք կցանկանայինք այն ինքներս օգտագործել, բայց սպասում ենք ԱՀԿ հաստատմանը, որն անհրաժեշտ է ՄԱԿ-ի աշխատանքի համար»,- ասել է Գուտերեշը:
Հիշեցնենք, որ ՌԴ նախագահ Վլադիմիր Պուտինը ՄԱԿ-ի Գլխավոր ասամբլեայի ելույթի ժամանակ առաջարկել էր կազմակերպության աշխատակիցներին անվճար տրամադրել ռուսական հակակորոնավիրուսային պատվաստանյութ: ՄԱԿ-ը հայտնել էր, որ կազմակերպությունն ուսումնասիրում է ՌԴ նախագահի առաջարկը։
