Փաստաբան Տիգրան Աթանեսյանը դատի է տվել Նիկոլ Փաշինյանին

Փաստաբան Տիգրան Աթանեսյանը դատի է տվել վարչապետի պաշտոնակատար Նիկոլ Փաշինյանին։ Այս մասին  տեղեկացնում է «Դատալեքս» դատական տեղեկատվական համակարգը։

Հայցը Վարչական դատարան է ներկայացվել մայիսի 3–ին, այն մակագրվել է դատավոր Գրիգոր Առաքելյանին։ Փաստաբանը դատարանից պահանջում է ճանաչել ապրիլի 25-ին՝ ՀՀ կառավարության հրաժարականն ընդունելու մասին նախագահի հրամանագրից հետո ՀՀ վարչապետի պարտականությունները կատարող կամ պաշտոնակատար չհանդիսանալու փաստի իրավահարաբերության բացակայությունը։