Թուրքիայի ԱԳՆ-ը դատապարտել է Լատվիայի կողմից Հայոց ցեղասպանության ճանաչումը
Անկարան դատապարտում է Լատվիայի խորհրդարանի կողմից 1915 թվականին Օսմանյան կայսրությունում տեղի ունեցած Հայոց ցեղասպանության վերաբերյալ ընդունված բանաձևը և այն համարում է անօրինական։ «ՌԻԱ Նովոստիի» տեղեկացմամբ, այս մասին հայտարարություն է Թուրքիայի արտաքին գործերի նախարարությունը։
Հինգշաբթի օրը Լատվիայի Սեյմը Օսմանյան կայսրությունում իրականացված հայ ժողովրդի ցեղասպանության զոհերի հիշատակին նվիրված հռչակագիր ընդունեց։ Բանաձևի տեքստում նշվում է Հայոց ցեղասպանության զոհերի հիշատակին հարգանքի տուրք մատուցելու անհրաժեշտության մասին, ինչպես նաև ճանաչման իրավական հիմք է նշվում Ցեղասպանության հանցագործությունը կանխելու և պատժելու մասին ՄԱԿ-ի 1948 թ. Կոնվենցիան։
«Այսօր Լատվիայի խորհրդարանում ընդունված բանաձևը և 1915 թ. Իրադարձությունները «ցեղասպանություն» ճանաչելը քաղաքական պատճառներով պատմությունը վերաշարադրելու անօրինական փորձ է: Մենք մերժում և խստորեն դատապարտում ենք այս ցավալի և ապօրինի որոշումը: Խորհրդարանները դատական գործընթացների և պատմության մեկնաբանման վայր չեն»,- նշված է Թուրքիայի ԱԳՆ հայտարարությունում։