Վրաստանում 10 օրով դադարեցվում է հանրային տրանսպորտի աշխատանքը
Այսօրվանից, մայիսի 3-ից մինչև մայիսի 12-ը ներառյալ Վրաստանի ամբողջ տարածքով արգելվում է հանրային տրանսպորտի (մետրո, ավտոբուս, երթուղային տաքսի) աշխատանքը:
Միջգերատեսչական խորհուրդը համապատասխան որոշումը կայացրել է ապրիլի 26-ին: Տասնօրյա տրանսպորտային արգելքը չի վերաբերում միջքաղաքային երթևեկությանը:
Այսօր Վրաստանում նշում են Զատկին հաջորդող Մեռելոցը: Վաղվանից երկրում կմեկնարկեն ոչ աշխատանքային օրերը մինչև մայիսի 12-ը ներառյալ:
