ԵԱՀԿ Մինսկի խմբի համանախագահները շարունակում են աշխատել ԼՂ հիմնախնդրի կարգավորման ուղղությամբ. Զախարովա
ՌԴ ԱԳՆ պաշտոնական ներկայացուցիչ Մարիա Զախարովան, հանդես գալով ամենշաբաթյա ճեպազրույցի ժամանակ, անդրադարձել է ԵԱՀԿ Մինսկի խմբի աշխատանքին:
«ԵԱՀԿ Մինսկի խմբի համանախագահների աշխատանքը շարունակվում է», – ասել է Զախարովան` պատասխանելով Լեռնային Ղարաբաղում խաղապահ զորակազմի հնարավոր ընդլայնմանը, Լեռնային Ղարաբաղի կարգավիճակի հաստատման մեխանիզների մշակմանը վերաբերող հարցերին:
Զախարովան չի մեկնաբանել Ֆրանսիայի և Ռուսաստանի նախագահներ Էմանուել Մակրոնի և Վլադիմիր Պուտինի հեռախոսազրույցը, որին ժամանակ կողմերը գնահատել են Լեռնային Ղարաբաղում տիրող իրավիճակը և պատրաստակամություն հայտնել շարունակել ջանքերը ԵԱՀԿ Մինսկի խմբի շրջանակում: Զախարովան այսօր հայտնել էր նաև, որ Ռուսաստանի արտաքին գործերի նախարար Սերգեյ Լավրովը մայիսի 5-6-ն աշխատանքային այց կկատարի Երևան, իսկ մայիսի 10-11-ը` Բաքու:
