Հրադադարի խախտում չի արձանագրվել․ ՊՆ-ն հերքում է տարածել հայտնի տեսանյութի վերաբերյալ

ՀՀ Պաշտպանության նախարարությունը հայտարարություն է տարածել, որով հերքում երեկ մամուլում շրջանառվող այն լուրը, թե փոխհրաձգություն է տեղի ունեցել Սյունիքի մարզի` Ադրբեջանի հետ սահմանակից որոշ հատվածներում։ Հայտարարությունն ամբողջությամբ կարդացեք ստորև․

«Սոցցանցերի որոշ օգտատերեր տեղեկություններ են շրջանառում, թե ապրիլի 25-ին, կեսգիշերն անց, իբր, փոխհրաձգություն է տեղի ունեցել Սյունիքի մարզի` Ադրբեջանի հետ սահմանակից որոշ հատվածներում:

Նշված տեղեկությունը չի համապատասխանում իրականությանը: Ինչպես նախորդ ողջ օրվա ընթացքում, այնպես էլ գիշերը հրադադարի խախտում չի արձանագրվել: Եվս մեկ անգամ կոչ ենք անում ձեռնպահ մնալ չճշտված, առավել ևս` կեղծ տեղեկություններ տարածելուց»: