Սորոսի հիմնադրամը նոր ղեկավար կունենա․ Լարիսա Մինասյանը մեկնեց Հայաստանից

Երևան-Դոհա-ԱՄՆ չվերթի բիզնես-կլասով այսօր Հայաստանից ԱՄՆ է մեկնել Բաց հասարակության հիմնադրամների Հայաստանի մասնաճյուղի երկարամյա ղեկավար Լարիսա Մինասյանը։ Նա 21 տարի ղեկավարել է Սորոսի հիմնադրամը և օրեր առաջ հրաժարականի դիմում է ներկայացրել։ Ըստ ամենայնի՝ Հիմնադրամը որոշեց փոխել տնօրենին, որպեսզի իր դեմ ուղղված բացասական վերաբերմունքը որոշակիորեն պարպվի։

Հայտնի է, որ տնօրենի թափուր տեղի համար մրցույթ է հայտարարվել։ Սակայն «Հրապարակ»-ը հայտնում է,որ այդ պաշտոնի ամենահարմար թեկնածուն համարվում է Հիմնադրամի վաղեմի աշխատակից, Հիմնադրամի փոխտնօրեն Դավիթ Ամիրյանը՝ հոգեբան Սեյրան Ամիրյանի որդին, որը նույնպես մասնագիտությամբ հոգեբան է, հոգեբանական գիտությունների թեկնածու։