Բյուրականի աստղադիտարանում վերաբացվել է Աստղացուցարանը

ՀՀ ԳԱԱ Վ. Համբարձումյանի անվան Բյուրականի աստղադիտարանում կրկին վերաբացվել է «Երկնակամար» աստղացուցարանը (պլանետարիումը): Այս մասին հայտնում են Աստղադիտարանից:

Պլանետարիումն իրենից ներկայացնում է գմբեթաձև պրոյեկցիոն էկրան: Այստեղ այցելուները կկարողանան դիտել աստղագիտության, բնագիտության և կենդանաբանության մասին ինչպես գիտակրթական, այնպես էլ ժամանցային բնույթի անիմացիոն և մուլտիպլիկացիոն տեսաֆիլմեր:
Ֆիլմերը նախատեսված են տաբեր տարիքային խմբերի համար (3-7 տարեկան՝ նախակրթական, 7-11 տարեկան, 11-15 տարեկան)։

Յուրաքանչյուր ֆիլմի տևողությունը կազմում է 25-30 րոպե։

Պլանետարիումը հասանելի է շաբաթ և կիրակի օրերին՝ ժամը 10։00-23։00։

«Այն գործում է հետևյալ արժեքներով՝

Երեխաներ՝ 400 ՀՀ դրամ

Մեծահասակներ՝ 1,200 ՀՀ դրամ

Արտասահմանցիներ՝ 1,800 ՀՀ դրամ

Այցն ամրագրելու համար անհրաժեշտ է զանգահարել 091 195 903 հեռախոսահամարին։

Սիրով սպասում ենք Ձեզ»,-գրված է Աստաղադիտարանի ֆեյսբուքյան էջում: