Բաքվից ինքնաթիռը ժամանել է առանց գերիների
Այսօր նախատեսվում էր հայ ռազմագերիների վերադարձ Երևան։ Տեղեկությունը Factor.am-ի հետ զրույցում հաստատել է ՀՀ վարչապետի խոսնակ Մանե Գևորգյանը։
Լուրեր են տարածվում, որ ինքնաթիռը Բաքվից դատարկ է եկել։
Այս պահին «Էրեբունի» օդանավակայանում հավաքված հարազատներին այդպես էլ ստույգ չեն հայտնում՝ կես ժամ առաջ վայրէջք կատարած Բաքու – Երևան ինքնաթիռն արդյո՞ք դատարկ է եկել։ Գերիների բարկացած հարազատները արգելեցին լրատվամիջոցներին լուսաբանել իրենց գործունեությունը։
«Ոչ մի լավ բան չի եղել, ի՞նչն եք լուսաբանում», -դժգոհեցին գերիների հարազատները՝ պահանջելով անհապաղ դադարեցնել ուղիղ հեռարձակումը։