Շատ ընտանիքներում սեղանի շուրջ դատարկ տեղեր կլինեն… բայց հայ ժողովուրդը տոկուն է. Լին Թրեյսիի ուղերձը
Հայաստանում ԱՄՆ դեսպան Լին Թրեյսին շնորհավորական ուղերձ է հղել հայ ժողովրդին.
«Իմ սիրելի հայ բարեկամներ ու գործընկերներ, անցնող տարվա ընթացքում՝ համավարակից մինչև Լեռնային Ղարաբաղի հակամարտություն, շատ էին մարտահրավերները, դժվարություններն ու կորուստները։ Այս տոնական օրերին շատ ընտանիքներում սեղանի շուրջ դատարկ տեղեր կլինեն․․․ հուսով ենք, որ այս ընտանիքները կկարողանան սփոփանք ու խաղաղություն գտնել։
2021 թվականին ընդառաջ՝ հուսով ենք նաև, որ Նոր տարին առավել բարեհաճ օրեր կբերի։ Հայ ժողովուրդը տոկուն է, և ես վստահ եմ, որ առջևում առկա են վառ ապագայի հեռանկարներ ու հնարավորություններ։
Այս Նոր տարին թո՛ղ բոլորի համար լինի խաղաղության ու առողջության տարի»։
