Ռուսաստանն արգելել է Գերմանիայի կառավարության աշխատակազմի մի խումբ ներկայացուցիչների մուտքը երկիր
Ռուսաստանը գերմանական կողմին տեղեկացրել է Գերմանիայի կառավարության աշխատակազմի մի խումբ ներկայացուցիչների՝ երկիր մուտք գործելու արգելքի սահմանման մասին: ՏԱՍՍ-ի տեղեկացմամբ, այս մասին գրում է DPA գործակալությունը՝ հղում անելով Գերմանիայի արտաքին գործերի նախարարության սեփական իրազեկ աղբյուրներին:
Ռուսաստանի Դաշնության արտաքին գործերի նախարարությունը համապատասխան միջոցառումների մասին տեղեկացրել է Ռուսաստանում Գերմանիայի Դաշնային Հանրապետության գործերի ժամանակավոր հավատարմատար Բեատե Գրժենսկիին: Հստակ անուններ դեռևս չեն հայտարարվել:
Նշվում է՝ Մոսկվան այս կերպ արձագանքել է այն պատժամիջոցներին, որոնք ԵՄ երկրները կիրառել են ռուս ընդդիմադիր գործիչ Ալեքսեյ Նավալնիի հետ կապված միջադեպի առնչությամբ: