Վարձկանների վերաբերյալ մեր դիրքորոշումը չի փոխվել. դրանք ԼՂ-ում չպետք է լինեն. ՌԴ փոխարտգործնախարար

Ռուսաստանի Դաշնության փոխարտգործնախարար Օլեգ Սիրոմոլոտովը «ՌԻԱ Նովոստի»-ին տված ծավալուն հարցազրույցում անդրադարձել է նաև Լեռնային Ղարաբաղում զինյալների ներկայությանը։

«Մերձավոր Արևելքից զինյալների ներկայությունը Լեռնային Ղարաբաղի տարածաշրջանում ռազմական գործողություններում արձանագրված փաստ է, որը հաստատվել է ոչ միայն մեր կողմից։ Վարձկանները քանակը եղել է մոտ երկու հազար»,-ասել է ՌԴ փոխարտգործնախարարը:

Սիրոմոլոտովի խոսքերով, իրենք հենց սկզբից մտահոգություն են հայտնել Ղարաբաղում արմատական վարձկանների հայտնվելու կապակցությամբ, որոնք դավանում են ջիհադիզմի գաղափարախոսությունը:

«Նրանց վերաբերյալ մեր դիրքորոշումը չի փոխվել. դրանք այնտեղ չպետք է լինեն»,-ասել է Սիրոմոլոտովը: