Երևանից Ստեփանակերտ է տեղափոխվել 470 մարդ. ՌԴ ՊՆ
Ռուս խաղաղապահներն ուղեկցել են փախստականների մեկ այլ շարասյունի, որոնք Հայաստանի Հանրապետության տարածքից վերադարձել են իրենց տները Լեռնային Ղարաբաղում, հայտնում է ՌԴ ՊՆ-ն:
Ավտոբուսներով Երևանից Ստեփանակերտ է տեղափոխվել 470 մարդ: Ավտոբուսներին ուղեկցում էին Ռուսաստանի խաղաղապահ զորախմբի և ռազմական ոստիկանության պարեկները:
Ռուս խաղաղապահներն իրավիճակի շուրջօրյա մշտադիտարկում են անցկացնում և վերահսկում են հրադադարի ռեժիմի պահպանումը քսաներեք դիտակետերում:
Ռուսաստանի խաղաղապահ զորախմբի զինծառայողները ապահովում են քաղաքացիների անվտանգ վերադարձը իրենց մշտական բնակության վայրեր, տրամադրում են մարդասիրական օգնություն և վերականգնում են քաղաքացիական ենթակառուցվածքները:
Ավելի քան 42 հազար փախստականներ արդեն վերադարձել են Լեռնային Ղարաբաղ՝ իրենց մշտական բնակության վայրեր:
