Զենք-զինամթերքի ոչնչացման աշխատանքները շարունակվում են. պայթյուններ լսելու դեպքում՝ խուճապի չմատնվել. ԱԻՊԾ
Արցախի ԱԻՊԾ հայտարարություն է տարածել.
«Հարգելի հայրենակիցներ
Օրվա ընթացքում ԱԻ պետական ծառայության սակրավորական ջոկատները կիրականացնեն Ասկերանի շրջանի Խնածախ, Այգեստան համայնքների և Մարտակերտ քաղաքի հարակից տարածքներից հայտնաբերված զենք-զինամթերքի ոչնչացման աշխատանքներ:
Այս օրերին սակրավորները ծառայության տնօրեն գեներալ-մայոր Կարեն Սարգսյանի հրամանով հետախուզական ու որոնողական աշխատանքներ են իրականացնում բոլոր բնակավայրերում:
Հայտնաբերված ռազմամթերքը տեղափոխվում է անվտանգ վայր կամ ոչնչացվում է տեղում:
Ուստի, խնդրում ենք պայթյուններ լսելու դեպքում՝ խուճապի չմատնվել:
Պարզաբանումների և այլ մանրամասների համար զանգահարել ճգնաժամային կառավարման կենտրոն 911,101,112 հեռախոսահամարներին»,-նշված է հայտարարության մեջ: