Ռազմագերիների հարցով քննարկումը կանցնի փակ ռեժիմով
Հայ ռազմագերիներին և գերեվարված քաղաքացիական անձանց գերությունից վերադարձնելու խնդրով Ազգային ժողովի հրատապ քննարկումը կանցնի դռնփակ ռեժիմով: Որոշումը խորհրդարանն ընդունեց 68 «կողմ» և 2 «դեմ» ձայներով:
Թեմայով քննարկումը դռնփակ ռեժիմով անցկացնելու առաջարկը ներկայացրել էր «Իմ քայլը» խմբակցությունը: «Լուսավոր Հայաստան»-ը նշում էր, որ քննարկումը պետք է անցնի բաց ռեժիմով, որպեսզի քաղաքացիներն ամբողջովին տեղյակ լինեն խնդրից:
«Բարգավաճ Հայաստան» խմբակցությունը չի մասնակցում նիստին: Ազգային ժողովի նախորդ քառօրյա նիստի ընթացքում խմբակցության անդամները հայտարարել էին, որ իրենց համար այժմ չկա այլ օրակարգ, բացի վարչապետի հրաժարականի հարցից:
