44 օր տևած և հազարավոր զոհերով ուղեկցված արյունալի պատերազմը չի դարձրել Արցախյան հակամարտությունը գերակա խնդիր ԵԱՀԿ տարածքում, ինչը ԱԳՆ-ի ու գործող կառավարության իմպոտենցիայի արդյունք է
ԵԱՀԿ նախարարների խորհրդի 27-րդ նիստն առաջինն էր Այցախյան երկրորդ պատերազմի ավարտից հետո և կարևոր էր հասկանալ, թե Արցախյան հակամարտության կարգավորման մանդատ ունեցող այս միջազգային կառույցում ինչպիսին են տրամադրությունները և ինչ է արել հայկական դիվանագիտությունն այս ուղղությամբ։
Հիմնական դերակատարների ելույթների ամփոփելով՝ կարևոր եզրահանգումները հետևյալն են։
- Անգամ 44 օր տևած և հազարավոր զոհերով ուղեկցված արյունալի պատերազմը չի դարձրել Արցախյան հակամարտությունը գերակա խնդիր ԵԱՀԿ տարածքում։ Կրկին առավել առաջնահերթ էին Բելառուսն ու Ուկրաինան, և սա Հայաստանի ԱԳՆ -ի հերթկան ձախողումն է։
- Արևմտյան ներկայացուցիչները, որևէ լուրջ դերակատարություն չունենալով պատերազմի ընթացքում, մի կողմից ողջունում են հաստատված զինադադարը, մյուս կողմից՝ աշխարհաքաղաքական խանդից դրդված, բարձրաձայնում են բացառապես ԵԱՀԿ ՄԽ ձևաչափում խնդրի վերջնական կարգավորման և Արցախի կարգավիճակի մասին։
- Արտասահմանցի մասնակիցներից որևէ մեկը այդպես էլ չխոսեց պատերազմի ընթացքում Ադրբեջանի կողմից իրականացված վայրագությունների, իսլամիստ զինյալների, արգելված զինատեսակների և այլ աղաղակող գործողությունների մասին, ինչը կրկին ապացուցում է, որ Հայատասնի այտաքին քաղաքականությունը տապալված է և միջազգային կառույցները անարգել առաջնորդվում են «Победителей не судят» սկզբունքով։
- Որևէ լուրջ անդրադարձ Արցախում ստեղծված հումանիտար իրավիճակին, ռազմագերիների, զոհվածների մարմինների շուտափույթ փոխանակման խնդիրներին չեղավ, ինչը նույնպես ԱԳՆ-ի ու գործող կառավարության իմպոտենցիայի արդյունք է։
- ՌԴ ԱԳ նախարարը հպանցիկ անդրադարձավ Արցախյան խնդրին և դիվանագիտորեն հընթացս հիշատակեց ԵԱՀԿ ՄԽ-ն, այդ կերպ ընգծելով, որ Ռուսաստանը շարունակելու է առաջին ջութակ մնալ կարգավորման գործընթացում։
- Դե Ադրբեջանի և Թուրքիայի նախարարների զավեշտալի ցինիկ ելույթների և երջանիկ դեմքերի մասին չասեմ…
- Թուրքիայի նախարարի խոսքից, ով զուգահեռներ տարավ Ղրիմի և Արցախի միջև, խոսեց Ղրիմում մարդու իրավունքների և ղրիմյան թաթարների խնդիրների մասին, ակնհայտ դարձավ, որ պատեհ պահին ռուս-թուրքական հակամարտության հաջորդ ճակատը Ղրիմն է։
Հայաստանի նախարարի ելույթից հետո կանդրադառնամ նաև իրեն։
Արմեն Աշոտյանի ֆեյսբուքյան էջից