Ամենայն Հայոց Կաթողիկոսի այցից հետո քաղաքացիները դադարեցրել են հացադուլը

Ամենայն Հայոց Կաթողիկոսի այցից հետո կառավարության մոտ Նիկոլ Փաշինյանի հրաժարականի պահանջով հացադուլ հայտարարած քաղաքացիները դադարեցրել են հացադուլը:

Այս մասին ֆեյսբուքյան իր էջում գրել է ՀՅԴ անդամ Գեղամ Մանուկյանը։

«Սիրելի զինակիցներ, ընկերներ, հարազատներ։ Մեր միասնական հացադուլի 9-րդ օրը, Կառավարության շենքի դիմաց այցելեց Ամենայն Հայոց Կաթողիկոսը։ Նա բավականին երկար զրուցեց հետներս, հորդորեց դադարեցնել հացադուլը, քանի որ պայքարի այլ ուղիներ կան։

Եղել էին բազում նման հորդորներ անցնող օրերին, բայց շարունակել էինք մեր գործողությունները։ Վեհափառ Հայրապետին դժվար էր մերժելը։ Այսօրվանից մեր զինակից ընկերների հետ դադարեցնում ենք հացադուլը, ու շարունակում մեր պայքարը։ Նոր օր, նոր ՊԱՅՔԱՐ։

Նիկոլը պետք է անհապաղ հեռանա։ Մանրամասներն՝ առավել մանրամասն կներկայացնեմ այսօր երեկոյան։ Շնորհակալ եմ աջակցության, զորկացության եւ սրտացավության համար»,- գրել է Գեղամ Մանուկյանը։