Օրվա ընթացքում ԼՂ-ում հայտնաբերվել և վնասազերծվել է 104 պայթուցիկ նյութ․ ՌԴ ՊՆ
«Օրվա ընթացքում Ստեփանակերտում 2,85 կմ ճանապարհ, 5,9 հա տեղանք է մաքրվել չպայթած զինամթերքից: Հայտնաբերվել և վնասազերծվել է 104 պայթուցիկ նյութ: Ընդհանուր առմամբ, Լեռնային Ղարաբաղում ականազերծման ընթացքում մաքրվել է 14,67 հա տարածք, 5,5 կմ ճանապարհ, մաքրվել 81 բնակելի շենք, հայտնաբերվել և ոչնչացվել 416 պայթուցիկ օբյեկտ»։
Այս մասին հայտնում է Ռուսաստանի Դաշնության պաշտպանության նախարարությունը։
Նշված է, որ օրվա ընթացքում Հայաստանի տարածքից ռուսական խաղաղապահ ուժերի աջակցությամբ Լեռնային Ղարաբաղ է վերադարձել 2115 մարդ: Ընդհանուր առմամբ, 2020 թվականի նոյեմբերի 14-ից մինչ օրս 21 083 փախստական է վերադարձել նախկին բնակության վայր:
«Ռուսաստանի խաղաղապահները օգնություն են ցուցաբերել Ստեփանակերտի թիվ 2 դպրոցում ուսումնական գործընթացը վերսկսելու գործում: Երեկ տեղի ունեցավ դրա հանդիսավոր բացումը: Ավելի քան 400 դպրոցականներ նստել էին իրենց դպրոցական սեղանների մոտ:
Օգնություն է ցուցաբերվում Ստեփանակերտի թիվ 8 դպրոցի վերականգնմանը: Այժմ ավարտվում են վերականգնման աշխատանքները և պատուհանների ապակիների փոխարինումը: Դրա բացումը նախատեսված է դեկտեմբերի 1-ին»,- ասված է հայտարարության մեջ:
