Էմանուել Մակրոնն այսօր այցելել է «Հայաստան» համահայկական հիմնադրամի Ֆրանսիայի մասնաճյուղ
Ֆրանսիայի նախագահ Էմանուել Մակրոնն այսօր այցելել է «Հայաստան» համահայկական հիմնադրամի Ֆրանսիայի մասնաճյուղ՝ աջակցելու Լեռնային Ղարաբաղի տեղահանված բնակչությանն օգնության համար կազմակերպվող դրամահավաք-հեռախոսամարաթոնին, ֆեյսբուքյան իր էջում հայտնել է ՀՀ-ում Ֆրանսիայի արտակարգ և լիազոր դեսպան Ջոնաթան Լաքոթը:
Այս առիթով Նախագահը հայտարարեց, որ այս կիրակի Երևան է ժամանում Ֆրանսիայի կառավարության մարդասիրական օգնությունը տեղափոխող առաջին ինքնաթիռը։ Երկրորդ ինքնաթիռը կժամանի #Երևան նոյեմբերի 27-ին։
Այս օգնությունն ուղեկցում է Ֆրանսիայի բազմաթիվ ՏԻՄ-երի և ասոցիացիաների կողմից արդեն իսկ իրականացվող ծրագրերին։
