Միացյալ Նահանգները ողջունում է Հայաստանի և Ադրբեջանի՝ ակտիվ ռազմական գործողությունների դադարեցումը
Միացյալ Նահանգները ողջունում է Հայաստանի և Ադրբեջանի՝ ակտիվ ռազմական գործողությունների դադարեցումը:
ԱՄՆ պետքարտուղար Մայք Պոմպեոն հանդես է եկել հայտարարությամբ, որտեղ հիշեցնում է ռազմական գործողությունները դադարեցնելու Վաշինգտոնի կոչը:
«Մարտերի ավարտը միայն բանակցային կարգավորման առաջին քայլն է: Կողմերին հորդորում ենք հնարավորինս արագ գործակցել ԵԱՀԿ Մինսկի խմբի համանախագահների հետ»,- նշված է հայտարարությունում:
Միացյալ Նահանգները տրամադրում է 5 մլն դոլար մարդասիրական օգնություն Կարմիր խաչի, միջազգային այլ կազմակերպությունների հետ պատերազմից տուժածներին օգնելու համար:
Վաշինգտոնի մարդասիրական փորձագետները շարունակում են գնահատել ճգնաժամի հետևանքները:
