Ղարաբաղ տեղափոխված զինյալները, ցավոք, չեն անհետացել, չեն գոլորշիացել. Զախարովա
ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ հույս է հայտնել, որ Լեռնային Ղարաբաղում օտարերկրյա զինյալների ներկայության հարցը կլուծվի:
«Զինյալները, որոնք տեղափոխվել են (խմբ.՝ Ղարաբաղ), ցավոք, չեն անհետացել, չեն գոլորշիացել: Մենք ելնում ենք այն հանգամանքից, որ այս հարցը կլուծվի, և բոլոր կողմերը, որոնք հետաքրքրված են այս տարածաշրջանում խաղաղության հաստատմամբ, պետք է ջանքեր գործադրեն այն լուծելու համար»,- ասել է Զախարովան:
Նշենք, որ Հայաստանի, Ռուսաստանի, Ադրբեջանի միջև կնքվել էր եռակողմ պայմանագիր, որի շրջանակում Ղարաբաղում ռուս խաղաղապահներ տեղակայելու շուրջ պայմանավորվածություն է ձեռք բերվել:
