«Ֆեյսբուքն» արգելափակել է քաղաքական ազդեցության ապակողմնորոշիչ արշավներում ներգրավված կեղծ օգտահաշիվների և էջերի ցանցեր
«Ֆեյսբուքը» նախօրեին հայտարարել է, որ իր հարթակում արգելափակել է կեղծ օգտահաշիվների և էջերի յոթ առանձին ցանց, որոնք գործել են Թուրքիայում, Իրանում, Աֆղանստանում, Եգիպտոսում, Մարոկկոյում, Մյանմայում, Վրաստանում և Ուկրաինայում, հաղորդում է Reuters-ը։
Ընկերությունը հայտարարել է, որ հոկտեմբերին հեռացվել է գրեթե 8000 էջ, որոնք ներգրավված են եղել ամբողջ աշխարհում քաղաքական ազդեցության ապակողմնորոշիչ արշավներում և կեղծ հաշիվներ են օգտագործել թիրախային լսարանի համար, ինչպես երկրի ներսում, այնպես էլ արտերկրում:
«Ֆեյսբուքի» հաղորդմամբ՝ մի ցանցը կառավարվել է Եգիպտոսում, Թուրքիայում և Մարոկկոյում «Մուսուլման եղբայրների»՝ Եգիպտոսի իսլամիստական շարժման հետ կապված մարդկանց կողմից, որոնք խմբավորուման ցանցերը կառավարել են ամբողջ Մերձավոր Արևելքում:
«Ֆեյսբուքը» իր հարթակում հայտնաբերել և հեռացրել է նաև Վրաստանում, Իրանում, Ուկրաինայիում, Աֆղանստանում և Մյանմարում կառավարվող մի շարք կեղծ էջեր։
