Թուրքիայում ձերբակալվել են երկրաշարժի հետևանքով փլված շենքերի կառուցապատողներ
Թուրքիայի դատախազությունը Իզմիրի շրջանում տեղի ունեցած երկրաշարժի հետևանքով շենքերի փլվելու համար 9 կառուցապատողի է ձերբակալել: Այս մասին հայտնում է թուրքական «Anadolu» լրատվական գործակալությունը:
Թուրքիայի արտակարգ իրավիճակների եւ բնական աղետների գործակալության վերջին տվյալների համաձայն` Իզմիրի շրջանում տեղի ունեցած երկրաշարժի հետևանքով զոհվել է առնվազն 91, վիրավորվել 994 մարդ: AFAD-ն նշում է, որ ներկայումս 5 շենքերում շարունակվում են որոնողափրկարարական աշխատանքները:
Հոկտեմբերի 30-ին Թուրքիայում տեղի ունեցած 6.6 մագնիտուդ ուժգնությամբ երկրաշարժի էպիկենտրոնը Իզմիրի Սեֆերիհիսար քաղաքն է:
