Նիցցայում անհայտ անձը եկեղեցու մոտ դանակով հարձակվել է մարդկանց վրա. կա 3 զոհ, որից մեկին գլխատել են
Ֆրանսիայի Նիցցա քաղաքում անհայտ անձը դանակով հարձակվել է Նոտր Դամ եկեղեցու մոտ գտնվող մարդկանց վրա, հայտնում է «ՌԻԱ Նովոստին»՝ BFMTV ալիքին հղումով:
Միջադեպը տեղի է ունեցել առավոտյան ժամը 9:00-ին:
Տասը րոպե անց հանցագործին հաջողվել է բռնել: Նա վիրավոր է:
Քաղաքապետ Քրիստիան Էստրոզին ենթադրում է, որ տեղի ունեցածն ահաբեկչություն է:
Ներքին գործերի նախարար Ժերալդ Դարմանեն հայտարարել է, որ դեպքի առնչությամբ ՆԳՆ-ը կից ստեղծվել է ճգնաժամային շտաբ:
Reuters գործակալության հաղորդմամբ` առնվազն 3 մարդ է զոհվել հարձակման հետևանքով:
Ոստիկանության աղբյուրները նշում են, որ հարձակման ընթացքում մի կնոջ գլխատել են:
Այս մասին լրագրողներին փոխանցել է «Ազգային միավորում» կուսակցության առաջնորդ Մարին Լե Պեն:
Այլ մանրամասներ դեռևս չեն հաղորդվում:
