Թշնամուց առգրավված զրահատեխնիկան պահպանվում է՝ իր իսկ դեմ կիրառելու համար (լուսանկարներ)
Արցախի պաշտպանության բանակը պահպանում է զրահատեխնիկան, որ առգրավել է ադրբեջանցիներից՝ մարտերի ժամանակ: Զրահատեխնիկան պահպանվում է՝ կրկին, այս անգամ՝ թշնամու դեմ կիրառելու համար:
Լուսանկարների հեղինակը ֆրանսիացի լրագրող Ժիլ Բադերն է:
Սեպտեմբերի 27-ին Ադրբեջանը, խախտելով բոլոր միջազգային պարտավորվածությունները, թուրքական բանակի և Մերձավոր Արևելքից բերված ահաբեկիչների անմիջական մասնակցությամբ հարձակում է սկսել Արցախի ուղղությամբ՝ թիրախավորելով նաև խաղաղ բնակչությանը: Այդ ընթացքում բազմիցս հրետակոծվել են թե՛ Արցախի և թե՛ Հայաստանի բնակավայրերը, խաղաղ բնակչության շրջանում կան բազմաթիվ զոհեր ու վիրավորներ, ավերվել են տասնյակ շինություններ, ահռելի վնաս է հասցվել քաղաքացիական ենթակառուցվածքներին։
Հայկական Զինված ուժերը հերոսական ու համառ մարտեր են մղում հակառակորդի դեմ՝ պատճառելով նրան կենդանի ուժի և տեխնիկայի ծանրագույն կորուստներ։
Հայտնաբերվել են Թուրքիայի ներգրավվածության, Սիրիայից վարձկանների տեղափոխման և Արցախի դեմ օգտագործման բազմաթիվ փաստեր:
Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։
Հայաստանում և Արցախում սեպտեմբերի 27-ին հայտարարվել է ռազմական դրություն։
Արդեն երեք անգամ հայտարարվել է մարդասիրական հրադադարի մասին, սակայն ադրբեջանական զինուժը շարունակում է մարտական գործողությունները Արցախի դեմ, հրթիռակոծում է խաղաղ բնակավայրերը։