«Տարեդարձիս լավագույն նվերը, ԱՄՆ Կոնգրեսի գրադարանը կկիրառի «Հայոց ցեղասպանություն» խորագիրը․ Քիմ Քարդաշյան
Հայազգի աշխարհահռչակ հեռուստաաստղ Քիմ Քարդաշյանը Instagrami-ի իր էջում գրել է, որ ԱՄՆ Կոնգրեսի գրադարանն այսուհետ կկիրառի «Հայոց ցեղասպանություն» խորագիրը:
«Տարեդարձիս լավագույն նվերը: Այսօր ԱՄՆ Կոնգրեսի գրադարանը հայտարարել է, որ կկիրառի «Հայոց ցեղասպանություն» խորագիրը: Այս նշանակալի լուրի մասին հայտարարվեց ԱՄՆ Կոնգրեսի կողմից Հայոց ցեղասպանության ճանաչումից գրեթե մեկ տարի անց և Արցախի հայերի նկատմամբ վերջին կործանարար հարձակման ֆոնին։ Շնորհակալություն Կոնգրեսի գրադարանի աշխատակիցներին, Կոնգրեսի անդամներին՝ հայերի պաշտպանությանն ուղղված մեծագույն ջանքերի համար: Միասին մենք շարունակում ենք աղոթել այս դժվարին իրավիճակում այն բոլոր տղամարդկանց, կանանց, երեխաների համար, որոնք տուժել են պատերազմից: Մենք մեկ գլոբալ հայ ազգ ենք»,-նշել է նա:
