Ադրբեջանն ընկել է Էրդողանի թակարդը, որտեղից նրան դուրս պրծնել չի հաջողվելու, ինչը նշանակում է, որ շուտով «Ադրբեջան» պետություն քարտեզի վրա կարող է չլինել
Ռուսաստանն ու Թուրքիան պայքարում են Ադրբեջանի համար՝ Ռուսաստանն իր կորցրած դիրքերը վերականգնելու, Թուրքիան՝ իր վիլայեթը դարձնելու և արդեն հաստատված լիակատար ազդեցությունը խորացնելու համար:
Ադրբեջանն այլևս ինքնիշխան պետություն չէ, սա փաստ է, որն ի գիտություն է ընդունվել աշխարհաքաղաքական ուժային կենտրոնների կողմից:
Ռուսաստանն առայժմ ջանքեր է գործադրում Ադրբեջանին կորցրած ինքնիշխանությունը վերականգնելու և իր ազդեցության տակ վերադարձնելու համար, իսկ Թուրքիան բոլոր հասանելի միջոցներով արգելափակում է այդ ջանքերը:
Ադրբեջանն ընկել է Էրդողանի թակարդը, որտեղից նրան դուրս պրծնել, իմ կարծիքով, չի հաջողվելու, ինչը նշանակում է, որ շուտով «Ադրբեջան» պետություն քարտեզի վրա կարող է չլինել, քանի որ Հարավային կովկասում ահաբեկիչներով լցված թուրքական վիլայեթ ոչ Ռուսաստանը, ոչ Իրանը հանդուրժել չեն պատրաստվում:
Ադրբեջանն այս իրավիճակից հարաբերականորեն անվնաս դուրս գալու ելքը մեկն է. ընդունել Լավրովի առաջարկությունը և համաձայնվել ՀԱՊԿ-ի խաղաղապահներ տեղակայելու Ռուսաստանի առաջարկությանը: Կարծում եմ, որ Ադրբեջանը դա անել չի կարող, քանի որ դա հակասում է բրիտանական մեծ աշխարհաքաղաքական շահերին և Թուրքիայի տարածաշրջանային նկրտումներին:
Իմ կարծիքով, Հայաստանը ցուցաբերեց ավելորդ շտապողականություն՝ հրապարակավ մերժելով Լավրովի առաջարկը զուտ այն պատճառով, որ այն միևնույնն է մերժվելու էր Ալիևի կողմից: Այս իրավիճակում ապակառուցողական դիրքում պետք է հայտնվի ԲԱՑԱՌԱՊԵՍ ԱԴՐԲԵՋԱՆԸ: Մերժելու հնարավորություն ու առիթ Հայաստանը հաստատ կունենար:
Խաղադրույքները շատ բարձր են, շատ ավելի բարձր, քան մենք կարող ենք պատկերացնել, հետևաբար մեզ հիմա պետք է ցուցաբերել առավելագույն զսպվածություն, խոհեմություն, խուսափել ավելորդ հուզականությունից, չպիտակավորել ու չթիրախավորել մեր ռազմավարական դաշնակիցներ Ռուսաստանին և Իրանին:
ԱՄԵՆ ԻՆՉ ԼԱՎ Է ԼԻՆԵԼՈՒ, ԱՎԵԼԻ ԼԱՎ, ՔԱՆ ՄԵՆՔ ԿԱՐՈՂ ԵՆՔ ՊԱՏԿԵՐԱՑՆԵԼ:
#ՀԱՂԹԵԼ_ԵՆՔ
Արթուր Ղազինյանի ֆեյսբուքյան էջից
Ռուսաստանն ու Թուրքիան պայքարում են Ադրբեջանի համար՝ Ռուսաստանն իր կորցրած դիրքերը վերականգնելու, Թուրքիան՝ իր վիլայեթը…
Опубликовано Artur Ghazinyan Четверг, 15 октября 2020 г.