Թուրքական ազգային արժույթը շարունակում է գահավիժել. լիրայի անկման նոր ռեկորդ է գրանցվել
Թուրքական լիրան շարունակում է տասն օրից ավելի ձգվող անկումը: Թուրքիայի ազգային արժույթն անկման նոր ռեկորդ է գրանցել հոկտեմբերի 8-ին:
Ըստ այդմ, մեկ դոլարն արժե 7,87 լիրա։ Այս տարի լիրան արժեզրկվել է 24 տոկոսով։ Reuters-ի փոխանցմամբ, սա պայմանավորված է Թուրքիայի շուրջ եղած աշխարհաքաղաքական լարվածությամբ։ Բացի այդ, Թուրքիայի արտարժութային պաշարները արդեն մոտ են սպառման շեմին։
Թուրքական լիրայի անկման հակառեկորդ էր գրանցվել սեպտեմբերի 29-ին:
Այդ օրը մեկ ամերիկյան դոլարի փոխարժեքը կազմում էր 7.83 թուրքական լիրա:
Թուրքական լիրայի շարունակող անկումը վերլուծաբանները բացատրում են Արցախում Ադրբեջանի սանձազերծած ռազմական գործողություններում Անկարայի բացահայտ ներգրավմամբ:
