Ծառուկյանի կալանքի մասով որոշում դեռ չկա․ դատավորը քննում է ինքնաբացարկի միջնորդությունը

Երևանի ընդհանուր իրավասության դատարան դատավոր Մնացական Մարտիրոսյանը ԲՀԿ ղեկավար Գագիկ Ծառուկյանին կալանավորելու՝ ԱԱԾ միջնորդության մասով որոշում դեռ չի կայացրել։ Դատարանը գնացել է խորհրդակցական սենյակ՝ ինքնաբացարկի միջնորդության վերաբերյալ որոշում կայացնելու։ Այդ մասին ԶԼՄ-ներին հայտնեց Գագիկ Ծառուկյանի փաստաբան Երեմ Սարգսյանը։

«Որոշումը, ամենայն հավանականությամբ, կհրապարակվի 13։30-ին», – ասաց փաստաբանը։