Իրենց կողմից ներդրվող «ազատությունը» հիմնականում ազատում է բոլոր բնազդները, որոնք գոտկատեղից ներքև են, մինչդեռ թե՛ Եկեղեցին, թե՛ ազգային գործոնը ազատում է մարդու միտքը պատկերավոր գոտկատեղից վերև

Բայց ինչի՞ համար եք զայրանում ժողովուրդ ջան։

Այն, ինչ կատարվում է կրթության ոլորտում, լիովին համապատասխանում է նեո֊գլոբալիստական տեսլականին, որի մոլի կրողներն են կրթության բարձրաստիճան, պատասխանատու չինովնիկները։

Այն, ինչ նորմալ մարդու համար նվազագույնը անընդունելի է ՝ կրթության գաղափարի ներքո, իրենց համար ուղենիշ է, քանզի այդ մարդիկ ուղղակի չեն ընդունում ձեզ և ձեր տեսլականը ։

Մի մեղադրեք նրանց, իրենք իրականում հավատում են, որ օրինակ երեխան պետք է լինի իբր «կոսմոպոլիտ» և «ազատ», սակայն ազատությունը իրենք դիտարկում են, որպես դասական դաստիարակությունից զերծ պրոցես։

Իրենց շինծու «ազատությունը» հիմնված է բարոյահոգեբանական կարմիր գծերի ոչնչացման վրա։

Իրենք ի սրտե հավատում են, որ օրինակ Եկեղեցին և ընտանիքը կաշկանդում է երեխայի «ազատությունը», իսկ ազգայնական գաղափարախոսությունը վտանգավոր է, քանզի թույլ չի տալիս երեխային լինել «ազատ» տարբեր «շաբլոններից»։

Իրենք իրականում հավատում են, որ անում են լավ բան, իսկ ով համաձայն չի իրենց կարծիքի հետ՝ հետամնաց վայրենի խավարամիտ է։ Իրենք իրենց համարում են ինտելեկտուալ «սպիտակ մարդ», իսկ մեզ հետամնաց զանգված։

Հա, կատակ չեմ անում, իրենք այդպես են մտածում։

Բայց շատ հետաքրքիր մի դիտարկում, չգիտես ինչու, իրենց կողմից ներդրվող «ազատությունը» հիմնականում ազատում է բոլոր բնազդները, որոնք գոտկատեղից ներքև են, մինչդեռ թե՛ Եկեղեցին, թե՛ ազգային գործոնը ազատում է մարդու միտքը պատկերավոր գոտկատեղից վերև։

Իսկ եթե ավելի լուրջ, ապա ըստ իրենց գլոբալիստական համոզմամբ՝ կրոնը, ազգությունը, ազգային էգոցենտրիզմը ՎՆԱՍ ԵՆ։

Սա է խնդիրը, և երբ դուք փորձում եք իրենց բացատրել, որ օրինակ «Հայոց եկեղեցու պատմություն»առարկան պետք է լինի առանձին առարկա կամ «Հայոց գրականություն» առարկան չպետք է ձուլվի, իրենք ձեզ պարզապես չեն լսում, որովհետև դուք իրենց համար հետամնաց, բռի և իբր կոմպլեքսավորված զանգված եք, իսկ իրենք նոր «լուսավորիչներն» են։

Մի փորձեք իրենց հետ վիճաբանել, դուք և իրենք՝ տարբեր աշխարհներից եք։

Արման Աբովյանի ֆեյսբուքյան էջից

Բայց ինչի՞ համար եք զայրանում ժողովուրդ ջան։Այն ինչ կատարվում է կրթության ոլորտում, լիովին համապատասխանում է…

Опубликовано Arman Abovyan Суббота, 1 августа 2020 г.