Թրամփը չի կարողանա ինքնուրույն հետաձգել նախագահական ընտրությունները
ԱՄՆ նախագահ Դոնալդ Թրամփը, որ առաջարկել է հետաձգել նոյեմբերին նախատեսված նախագահական ընտրությունները, չունի այնպիսի լիազորություններ, որոնք թույլ կտան իրեն դա անել ինքնուրույն: Այս մասին գրում է ABC News- ը:
Համաձայն 1845 թվականի ամերիկյան «նախագահի և փոխնախագահի համընդհանոր ընտրությունների» մասին օրենքի, քվեարկությունը տեղի է ունենում «երեքշաբթի օրը, նոյեմբերի առաջին երկուշաբթիից հետո»:
Նախագահական ընտրությունները հետաձգելը պահանջում է ԱՄՆ Կոնգրեսի երկու պալատների հավանությունը: Հետաձգման համար պահանջվում է ինչպես Ներկայացուցիչների պալատի, այնպես էլ Սենատի մեծամասնության կարծիքը:
Ավելի վաղ Թրամփը առաջարկել էր, որ գուցե ավելի լավ լինի հետաձգել երկրի ՝ 2020 թվականի նոյեմբերի նախագահական ընտրությունները, որպեսզի քվեարկությունը չանցնի փոստով՝ կորոնավիրուսի սպառնալիքի պատճառով:
Մայիսի կեսին ԱՄՆ նախագահի խորհրդական Ջարեդ Քուշները Time ամսագրին տված հարցազրույցում չի երաշխավորել, որ Նահանգներում հաջորդ նախագահական ընտրությունները կորոնավիրուսային համավարակի ֆոնին կարող են անցկացվել 2020 թվականի նոյեմբերի 3-ին:
