Միշուստինը հայտարարել է COVID-19-ի դեմ ռուսական չորս պատվաստանյութերի անվտանգության մասին
ՌԴ վարչապետ Միխայիլ Միշուստինը հայտարարել է, որ Ռուսաստանում կորոնավիրուսի դեմ չորս պատվաստանյութերը ապացուցել են իրենց անվտանգությունը: Գրել է «ՌԻԱ Նովոստին»:
Այս պահին, ինչպես նշել է Միշուստինը, Ռուսաստանի բոլոր հետազոտական հաստատությունները աշխատում են պատվաստանյութի մշակման ուղղությամբ: Սրանով զբաղվում է նաև Կրթության և գիտության նախարարությունը, Առողջապահության նախարարությունը, Դաշնային կենսաբժշկական գործակալությունը և «Ռոսպոտրեբնազորը»:
«Այս պահին 17 գիտական կազմակերպություններ և պատվաստանյութերի 26-ից ավելի տեսակներ. սա այն է, ինչ մենք այսօր գիտենք: Այսօր չորս պատվաստանյութեր, ըստ «Ռոսպոտրեբնադզոր»-ի, ապացուցել են իրենց անվտանգությունը: Եվ երկուսը՝ Գամալեյի կենտրոնում և Պաշտպանության նախարարությունում, ըստ էության, կլինիկական հետազոտությունների ավարտական փուլում են», – ասել է Միշուստինը՝ կաբինետի աշխատանքների վերաբերյալ զեկույցով ելույթ ունենալով Պետդումայում: