Ռուսաստանում ավարտվել են կորոնավիրուսի պատվաստանյութի կլինիկական փորձարկումները
Պաշտպանության նախարարությունն ավարտել է կորոնավիրուսի դեմ պատվաստանյութի կլինիկական փորձարկումները:
Հստակեցվում է, որ խոսքը Ն.Ֆ Գամալեյի անվան կենտրոնի հետ համատեղ թեստերի փորձարկումն է Ն.Ն. Բուրդենկոյի անվան ռազմական հոսպիտալում: Այսօր այնտեղից դուրս է գրվել 20 կամավորների երկրորդ խումբը:
«Թեստի պատասխանները միանշանակ ցույց են տալիս պատվաստումների արդյունքում բոլոր կամավորների մոտ իմունային պատասխանի զարգացումը: Պատվաստման արդյունքում կամավորների կողմից առողջական բողոքներ չեն գրանցվել, կողմնակի երևույթներ, բարդություններ կամ անցանկալի արձագանքներ», – նշել են ռազմական գերատեսչությունից:
Բոլոր տվյալները կփոխանցվեն Ն.Ֆ Գամալեյի անվան համաճարակաբանության և մանրէաբանության ազգային հետազոտական կենտրոն: Դրանց մշակումից հետո նախատեսվում է դեղամիջոցի պետական գրանցում:
Ավելի վաղ, Զինված ուժերի պաշտպանական զորքերի 48-րդ կենտրոնական հետազոտական ինստիտուտի ղեկավար, բժշկական ծառայության գնդապետ Սերգեյ Բորիսևիչը հայտարարել էր, որ պատվաստանյութերի ներդրումից հետո առաջացող հակամարմինների բարձր մակարդակը մարմնում կմնա երկար ժամանակ:
«Պլատֆորմի հնարավորությունները, որի վրա նախկինում մշակվել են Էբոլա երկու պատվաստանյութեր և Մերձավոր Արևելքի շնչառական սինդրոմի պատվաստանյութեր, թույլ կտան երկարատև պահպանել իմունիզացումից հետո առաջացած պաշտպանիչ դերը», – բացատրել է նա:
Մարտի 11-ին ԱՀԿ-ն հայտարարեց նոր կորոնավիրուսային վարակի COVID-19 –ի բռնկումը համավարակ: Աշխարհում հայտնաբերվել է վարակի ավելի քան 14 միլիոն դեպք, մահացել է ավելի քան 597 հազար մարդ: Համավարակն ընդգրկել է 215 երկիր:
