Արցախում հաստատվել է կորոնավիրուսով վարակման 3 նոր դեպք. վարակվածների ընդհանուր թիվը 171 է, մեկուսացված է 56 քաղաքացի
ԱՀ առողջապահության նախարարության տրամադրած տեղեկատվության համաձայն՝ Արցախում հաստատվել է կորոնավիրուսային հիվանդության 3 նոր դեպք: Այս մասին ասված է Տեղեկատվական շտաբի հաղորդագրության մեջ:
«COVID-19-ով վարակված քաղաքացիներից 2-ն էլ Ստեփանակերտից են, նախկինում հաստատված օջախից: 1 նոր դեպք էլ գրանցվել է Մարտակերտ քաղաքում, որտեղ վարակակրի շփման շրջանակը պարզելու, ինչպես նաև շրջակայքում վարակազերծման անհրաժեշտ աշխատանքներ են իրականացվում:
Միևնույն ժամանակ, կորոնավիրուսի ախտորոշմամբ 10 քաղաքացի հաղթահարել է հիվանդությունն ու լքել մեկուսացման վայրերը:
Ընդհանուր առմամբ, COVID-19-ով հիվանդացել է 171 մարդ, որից 144-ը հաղթահարել է հիվանդությունը: Փաստացի բուժում է ստանում 27, ընդհանուր մեկուսացված է 56 քաղաքացի:
Թեստավորումների նպատակով 94 նմուշառում է իրականացվել:
Մինչ այսօր իրականացվել է 3796 փորձանմուշի հետազոտություն»,- ասված է հաղորդագրության մեջ:
