Փառք ու պատիվ մեր զինվորներին․ մենք կանք, եղել ենք ու կլինենք․ Արթուր Աբրահամ
Աշխարհահռչակ հայ բռնցքամարտիկ Արթուր Աբրահամը արձագանքել է հայ-ադրբեջանական սահմանին տեղի ունեցող լարված իրադարձություններին։
Նա իր ֆեյսբուքյան էջում մասնավորապես գրել է․
«Փառք ու պատիվ մեր զինվորներին։ Մենք կանք, եղել ենք ու կլինենք։ Հարգանքներս բոլորին։ Ա․Ա»։
Հիշեցնենք, որ հուլիսի 12-ին 12:30-ի սահմաններում, Ադրբեջանի զինված ուժերի զինծառայողները, մեզ համար անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն հետ են շպրտվել։
Հուլիսի 12-ից մինչ այսօր մարտական գործողությունները պարբերական ընդհատումներով շարունակվում են։
