Google-ը մեղադրվում է օգտատերերին հետևելու մեջ
ԱՄՆ-ում դատական հայց է ներկայացվել Google-ի մայր ընկերության`Alphabet Inc.- ի դեմ, որով նա մեղադրվում է տարբեր ծրագրեր օգտագործողների գործողությունները հետևելու համար, նույնիսկ դրա համար թույլտվությունը անջատելու դեպքում: Այս մասին հայտնում է «Ռեյթերս» գործակալությունը:
Դատական հայցը ներկայացրել է Կալիֆոռնիայում գործող Boies Schiller Flexner իրավաբանական ընկերությունը, որը այս տարվա հունիսին արդեն իսկ 5 միլիարդ դոլարի դատական հայց էր հարուցել կորպորացիայի դեմ՝ մեղադրելով նրան Chrome-ի զննարկիչների օգտագործողների գործողությունները մշտադիտարկելու մեջ՝ անգամ ինկոգնիտո ռեժիմով: Ընկերությունը ներկայացնում է հայցվորների խմբի շահերը:
Նոր դատավարության մեջ ասվում է, որ նույնիսկ եթե դուք ինտերնետում և Google-ի ծրագրերում անջատեք գործողությունները հետևելու համար կարգավորումները, այն շարունակում է հավաքել տվյալներ հավելվածների օգտագործման և անձնական տեղեկությունների վերաբերյալ:
Alphabet Inc.-ը դեռ չի մեկնաբանել այս հաղորդագրությունները: Հայցի պահանջի չափը և դրա պահանջները չեն նշվում: