Կորոնավիրուսային հիվանդությունից մահացել են ութ բուժառուներ

Հաստատվել է կորոնավիրուսային հիվանդության 339 նոր դեպք, ապաքինվել է ևս 864 մարդ:

Արձանագրվել է մահվան 8 դեպք: Բուժառուները եղել են 50 (տղամարդ), 79 (տղամարդ), 72 (կին), 79 (կին), 88 (տղամարդ), 77 (կին), 62 (կին) և 53 (կին) տարեկան։ Բացի վերջինից, մնացածն ունեցել են ուղեկցող քրոնիկական հիվանդություններ։

Հայկական միասնական տեղեկատվական կենտրոնի տվյալներով, նախորդ օրն արձանագրվել է մահվան 1 դեպք, երբ բուժառուն ունեցել է հաստատված կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 184 է: