Թիկունքից հարված ազգապահպան մեր եկեղեցուն (տեսանյութ)
Արմինե Սիմոնյանի «Մենք» հեղինակային հաղորդաշարի հյուրը բանասիրական գիտությունների թեկնածու, գրականագետ Սերժ Սրապիոնյանն է։
Երբ ուսումնասիրում ես, թե ովքեր և ինչ ուժեր են թիրախավորել հայապահպան մեր ազգային կառույցը` Հայ Առաքելական Սուրբ եկեղեցին, ու հիմա էլ այդ ինչ ուժի ցուցումով է «Հայ եկեղեցու պատմություն» առարկան դուրս մղվում դպրոցական դասաժամերից, պարզվում է, որ այստեղ ևս, ինչպես մեր ազգային բոլոր հարցերում, իր ձեռքերն է հասցրել «Բաց հասարակության հիմնադրամներ –Հայաստան» կոչված կառույցը, որը հայտնի է՝ սորոսական կառույց անունով:
Օրերս ՎԵՏՕ շարժման ղեկավար Նարեկ Մալյանը ֆեյսբուքյան իր գրառմամբ տեղեկացրեց, որ դեռ 2013 թվականից այս թեման հանգիստ չի տվել Սորոսի վաստակներին (ինչպես նրանց դիպուկ բնորոշում է Ն․ Մալյանը)։ Փաստորեն, «Հայ եկեղեցու պատմություն» առարկան հեռացնելու օրակարգը հե՛նց իրենցն է` Սորոսի վաստակներինը:
Սրանք, ինչպես ժողովուրդն է ասու, իրենց քիթը խոթել են ամենուր, խնդրի հետ կապված սկսել վերլուծություններ գրել, դե իհարկե, դրա դիմաց Սորոսից գրանտներ ստանալով: Եվ մի հոդված են տպագրել` այսպիսի վերնագրով. «Հայոց եկեղեցու պատմության դպրոցական դասագրքերի բովանդակային վերլուծությունն ու դրանց ազդեցությունը երիտասարդ սերնդի վրա»: Ուշադրություն դարձրեք, փաստորեն, Սորոսի վաստակները նստել ու վերլուծել են, թե ազգապահպան մեր եկեղեցին, ու մեր եկեղեցու պատմությունը, որը մեր իսկ պատմությունն է, ի՜նչ ազդեցություն է թողնում մեզ վրա:
Զավեշտ է, իհարկե:
2018 թվականի մայիսին ԱՄՆ պետդեպարտամենտը հրապարակեց զեկույց, որում նշված էր, որ Հայաստանում աճում է Հայ Առաքելական Եկեղեցու դերը: Ակնհայտ էր՝ ԱՄՆ պետդեպարտամենտին այդ փաստը լրջորեն մտահոգել էր․․․
Եվ իշխանափոխություն իրականացրածների համար սա դարձավ ազդակ`անցնել գործի: Ու սկսվեց ընդդեմ Հայ եկեղեցու քարոզչությունը։
Հարցազրույցն ամբողջությամբ՝ տեսանյութում