ԱՀ-ՀՀ բոլոր հսկիչ-անցագրային կետերում և հանրապետության բնակավայրերում շարունակվել են ախտահանման աշխատանքները

COVID-19 վարակի տարածումը կանխարգելելու նպատակով Արտակարգ իրավիճակների պետական ծառայության կողմից ԱՀ-ՀՀ բոլոր հսկիչ-անցագրային կետերում և հանրապետության բնակավայրերում շարունակվել են ախտահանման աշխատանքները։

Արցախ տեղեկատվական շտաբի  տվյալներով, հունիսի 24-ից 30-ն ախտահանվել են ԱՀ մուտք գործած շուրջ 1635 տրանսպորտային միջոց։

Նշված ժամանակահատվածում «Աղավնո» անցակետում ախտահանվել է ընդհանուր առմամբ 612 տրանսպորտային միջոց՝ բեռնատար և մարդատար ավտոմեքենա։

«Որոտան-Խնձորեսկ» անցակետում ախտահանվել է՝ 139 ավտոմեքենա։

«Խարխափուտ» հսկիչ-անցագրային կետում շուրջ 884 տրանսպորտային միջոց է ախտահանվել։

Նշենք, որ ԱՀ արտակարգ իրավիճակների պետական ծառայության ստորաբաժանումները բոլոր հսկիչ անցակետերում իրականացնում են շուրջօրյա հերթապահություն։