Արցախի գործադիրում նոր ազատումներ ու նշանակումներ են կատարվել
Արցախի կառավարությոան լրատվական ծառայությունը տեղեկացնում է, որ Արցախի Հանրապետության նախագահ Արայիկ Հարությունյանը հաստատել է կառավարության մի շարք որոշումներ:
«Արայիկ Վլադիմիրի Դոլուխանյանը նշանակվել է Արցախի Հանրապետության պետական եկամուտների կոմիտեի նախագահի առաջին տեղակալ՝ ազատվելով Արցախի Հանրապետության ֆինանսների նախարարի տեղակալի պաշտոնից:
Արմինե Արկադիի Մուսայելյանը նշանակվել է Արցախի Հանրապետության պետական եկամուտների կոմիտեի նախագահի տեղակալ:
Կամո Վիլենի Քոչարյանը նշանակվել է Արցախի Հանրապետության արդարադատության նախարարի տեղակալ՝ ազատվելով Արցախի Հանրապետության արդարադատության նախարարության աշխատակազմի ղեկավարի պաշտոնից։
Դավիթ Արմենի Ավանեսյանը նշանակվել է Արցախի Հանրապետության քաղաքաշինության նախարարի տեղակալ», – նշված է հայտարարության մեջ: