Սոբյանինը Մոսկվայի բնակիչներին հորդորել է շարունակել դիմակներ և ձեռնոցներ կրել
Մոսկվայի քաղաքապետ Սերգեյ Սոբյանինը կարծում է, որ մոսկվացիների համար դեռ վաղ է տեղաշարժվել առանց դիմակների և ձեռնոցների, չնայած քաղաքում կորոնավիրուսի դեպքերի հետ կապված իրավիճակի բարելավմանը:
«Չնայած մեր բոլոր զիջումներին, հիվանդությունների քանակը և ծանր վիճակը գնալով նվազում է, Աստված տա, որ այսպես շարունակվի… պետք է ջանալ պահպանել դիմակների ռեժիմի ներկայացված պահանջները», – ասել է Մոսկվայի քաղաքապետը «Ռոսիա 24» -ի եթերում:
Ինչպես ընդգծել է Սոբյանինը, ձեռնոցների և դիմակների ռեժիմին հետևելը հատկապես կարևոր է տրանսպորտում, առևտրային կազմակերպություններում և աշխատավայրում, եթե դա անհրաժեշտ է:
Կորոնավիրուսային ամենավատ իրավիճակը գրանցվել է Մոսկվայում, բայց վերջին մեկ շաբաթվա ընթացքում այն զգալիորեն բարելավվել է: Մայրաքաղաքում հայտնաբերվել է COVID-19 վարակի 217 791 դեպք, մահացել է 3 669 մարդ:
