Սխալվել եմ, նրանց մեծամասնությունը քաղաքական առումով պարզապես թթվի քարեր են

Իմքայլականների բարբաջանքն եմ լսում առավոտվանից ու չեմ դադարում զարմանալ նրանց ճնշող մեծամասնության մեծամտության և պրիմիտիվության վրա։

Նրանց թվում է, թե Նիկոլի ստերի ստվերի տակ մանդատ քերելով՝ իրենք քաղաքական գործիչներ են դարձել։

Նրանք չեն հասկացել, որ մանդատը խելք չի տալիս, խելքը մինչ այդ պիտի ունենային։

Նրանց թվում է, թի մի քանի տեսախցիկների առջև արտաբերած անհեթեթ բառակույտը քաղաքական տեսակետ է։

Նրանց թվում է, թե պաշտոն ստանալով մարդ են դարձել, այնինչ նույն ԱԺ-ի այգեպաններն ու բակի բանվորներն իրենցից հազար անգամ լավ մարդ են։

Ժամանակին ասել էի, որ հաջորդ ԱԺ-ն բաղկացած է լինելու Նիկոլի սելֆիի ձողերից և ուսապարկերից։ Սխալվել եմ, նրանց մեծամասնությունը քաղաքական առումով պարզապես թթվի քարեր են։

ԱԺ ամբիոնի խոսափողը ձեզանից լավ քաղաքական գործիչ է։

Արմեն Աշոտյանի ֆեյսբուքյան էջից