Իրանի արտգործնախարարը Թուրքիայում է
Իրանի արտգործնախարար Մուհամադ Ջավադ Զարիֆը Թուրքիայում է։
Նախօրեին Թուրքիայի արտգործնախարարությունը հայտարարություն էր տարածել, որ Իրանի ԱԳ նախարարի այցը կկայանա հունիսի 14-15-ին։
«Այցի ընթացքում կքննարկվեն երկկողմ հարաբերությունների բոլոր ասպեկտները, նախատեսվում է նաև տարածաշրջանային և միջազգային մի շարք խնդիրների շուրջ տեսակետների փոխանակում», – ասված էր Թուրքիայի ԱԳՆ հայտարարության մեջ։
Այսօր՝ հունիսի 15-ի կեսօրին, Մուհամադ Ջավադ Զարիֆը Ստամբուլում հանդիպում կունենա իր թուրք պաշտոնակից Մևլութ Չավուշօղլուի հետ։ Հանդիպումից հետո համատեղ մամուլի ասուլիս կկազմակերպվի։
Հիշեցնենք, որ ռուս բարձրաստիճան պաշտոնյաների՝ ԱԳ և պաշտպանության նախարարների այցը Թուրքիա հետաձգվել է:
Աղբյուրը՝ «Անադոլու»