Շիրակի մարզում ավելացել է ինքնամեկուսացման ցուցում ունեցողների թիվը
Շիրակի մարզում ավելացել է ինքնամեկուսացման ցուցում ունեցողների թիվը: տեղեկացրել են Շիրակի մարզպետարանի տեղեկատվության ու հասարակայնության հետ կապերի բաժնից, այս պահի դրությամբ, մարզում ինքնամեկուսացման ցուցում ունի 1029 քաղաքացի, նրանցից 176-ն ունի դրական ախտորոշում՝ հիվանդության անախտանիշ ընթացքով, հսկողությունն իրականացվում է առողջության առաջնային օղակի կողմից։
Հունիսի 13-ի ժամը 11.30-ի դրությամբ Գյումրու ինֆեկցիոն հիվանդանոցում կորոնավիրուսով 66 հիվանդ է բուժվում, 56-ը Շիրակի մարզի բնակիչ է։
Կորոնավիրուսից առողջացել և հիվանդանոցից մինչ օրս դուրս է գրվել Շիրակի մարզի 208 բնակիչ։
28 հիվանդներ տեղափոխվել են մայրաքաղաք: Արձանագրվել է մահվան 10 դեպք։
Մարտի մեկից մինչև օրս Շիրակի մարզի բուժհաստատություններում և հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 2972 նմուշառում, մայիսի 12-ից հունիսի 12-ը ներառյալ Գյումրիում իրականացվել է 1649 նմուշառման հետազոտություն:
