Սոբյանին. Մոսկվային երկու ամիս է պետք, որպեսզի դուրս գա կորոնավիրուսային սահմանափակումներից
Մոսկվային կպահանջվի մոտ երկու ամիս՝ սահմանափակումներից աստիճանաբար դուրս գալու համար, որոնք մտցվել էին նոր կորոնավիրուսային վարակի տարածումը կանխելու համար։ Այս մասին ասել է Մոսկվայի քաղաքապետ Սերգեյ Սոբյանինը՝ չորեքշաբթի օրը «Կորոնավիրուսի տարածման դեմ պայքարի համակարգող խորհրդի» նախագահության նիստի ժամանակ:
«Չնայած դրական ցուցանիշներին, որոնք ցույց են տալիս Մոսկվայում իրավիճակի բարելավումը, անհնար է ամբողջությամբ հաղթահարել կորոնավիրուսի տարածումը, բայց հնարավոր է, ելնելով այն ցուցիչներից, որոնք մենք տեսնում ենք, ընթանալ ինչպես պլանավորված է, աստիճանաբար, քայլ առ քայլ դեպի նորմալ կյանք: Մենք նման անցման շրջանը սահմանել ենք գրեթե երկու ամիս: Համաճարակաբանական իրավիճակի մուտքը շատ ավելի կարճ էր»,- ասել է քաղաքապետը:
Բացի դրանից, Սոբյանինը ասել է, որ որոշումը զանգվածային միջոցառումների թույլատրության, ինչպես նաև Մոսկվայում թատրոններ, մարզական միջոցառումներ և համերգասրահներ այցելելու համար, որոնք հնարավոր է կայացվել հուլիսի սկզբին:
«Մեզ մոտ դեռևս ուժի մեջ են սահմանափակումները՝ կապված հասարակական միջոցառումների հետ, թատրոններ, կինոթատրոն, համերգասրահներ, մարզական միջոցառումներ այցելու հետ: Այս որոշումները, ամենայն հավանականությամբ, կկայացվեն հուլիսի սկզբին»,- ասել նա:
Քաղաքապետը նշել է, որ եթե համաճարակաբանական իրավիճակը թույլ է տալիս, ապա քաղաքը երկու ամսվա ընթացքում գրեթե ամբողջությամբ կտեղափոխվի կյանքի բնականոն հուն:
Մարտի 5-ին Մոսկվայում ներդրվեց բարձր ահազանգման ռեժիմ՝ կորոնավիրուսի հետ կապված իրավիճակի պատճառով, իսկ հետագայում՝ նաև մի շարք սահմանափակումներ, այնուամենայնիվ, մայիսի կեսերից իշխանությունները սկսեցին մեղմել դրանք, քանի որ համաճարակաբանական իրավիճակը բարելավվել է: Հունիսի 9-ից Մոսկվայում չեղարկվել է ինքնամեկուսացումը, զբոսանքների ժամանակացույցը և անցաթղթերը տրանսպորտուվ երթևեկելու համար:
Հունիսի 16-ից կվերացվեն ատամնաբուժական ծառայությունների սահմանափակումները, կբացվեն գրադարանները, թանգարանները և կենդանաբանական այգիները, մարզասրահները: Նաև բաց կլինեն ամառային սրճարանները, իսկ մեկ շաբաթից`ստացիոնար սննդի հաստատությունները: Հունիսի 23-ից նախատեսվում է բացել ֆիթնես ակումբները և վերացնել սահմանափակումները մանկապարտեզներից և սոցիալական պաշտպանության հաստատություններից: Հասարակական վայրերում դիմակներ և ձեռնոցներ կրելը պարտադիր է:
