Ջավախքում վնասել են հայկական եկեղեցին ու գերեզմանները
Ջավախքում վնասել են հայկական եկեղեցին ու գերեզմանները:Տեղեկությունը, հայտնել է «Սպուտնիկ Գրուզիան»` հղում անելով Վրաստանի մշակութային ժառանգության պահպանության ազգային գործակալությանը:
«Սուրբ Գրիգոր Լուսավորիչ եկեղեցու բակում ծանր տեխնիկայի հետքեր են երևում կառույցի երեք ճակատների՝ արևմտյան, հարավային և արևելյան կողմերից։ Վնասվել են գերեզմանները, ամենուր մարդկային ոսկորներ են ցրված։ Վնասվել են նաև պարիսպն ու շեմը»,– նշված է հաղորդագրության մեջ։
Գործակալության աշխատակիցները պարզում են մշակութային ժառանգության հուշարձանի վնասման աստիճանը, իսկ ոստիկանությունը փնտրում է մեղավորներին։
Գործակալության դիմումի հիման վրա Ջավախքի ՆԳՆ ոստիկանության վարչությունը քրեական գործ է հարուցել մշակութային ժառանգության հուշարձանի վնասման փաստով:
